काठमाडौं । नेपाल वायुसेवा निगमले कोरोनाअवधिभरको व्याज र हर्जाना छुट गरिदिन कर्मचारी सञ्चय कोष र नागरिक लगानी कोषलाई अनुरोध गरेको छ । कोरोना अवधिमा निगमको व्यापारमा प्रतिकुल असर परेको भन्दै निगमले व्याज, हर्जाना र पेनल छुट गरिदिन भनेको हो ।
निगमको व्यवस्थापन वर्तमान नेतृत्वले सम्हालेदेखि निगमको व्यापार विस्तार तथा नगद प्रवाहमा क्रमिक सुधार आएको र अन्तराष्ट्रिय उडानका लागि खरिद गरेका दुई न्यारोबडि र दुई वाइडबडि जहाजको लागि लिएको ऋण दायित्व भुक्तान गर्दै आएको निगमले जनाएको छ । २०७९ चैत महिनाको किस्ताबापत निगमले नागरिक लगानी कोषलाई ५३ करोड ९ लाख ५५ हजार २८१ रुपैयाँ भुक्तान गरेको छ ।
