काठमाडौं । नेप्सेमा कृषि विकास बैंकको ऋणपत्र सूचिकृत भएको छ ।मंसिर २८ गते नेपाल स्टक एक्सचेञ्ज र कृषि विकास बैंकबिच धितोपत्र सूचीकरण सम्झौता सम्पन्न भएसँगै बुधवारबाट कारोबार शुरु हुने गरी ऋणपत्र सुचिकृत भएको हो ।
कम्पनीको आज दुई वटा कृषि ऋणपत्र नेप्सेमा सुचिकृत भएको हो । कम्पनीले आगामी ८ वर्षको लागि वार्षिक ४ प्रतिशत ब्याजदरमा निष्काशन गरेको ६० लाख कित्ता कृषि ऋणपत्र सूचिकृत गराएको हो ।
त्यसैगरी, बैंकको ९ वर्ष अवधिका लागि वार्षिक ४ प्रतिशत ब्याजदरमा निष्काशन गरेको ३४ लाख २६ हजार ९७५ कित्ता ऋणपत्र सूचिकृत भएको हो । यी दुवै ऋणपत्र बुधवारदेखि दोस्रो बजारमा कारोबार शुरु हुनेछ ।
