काठमाडौं । आज दुई कम्पनीको साधारण सभा हुँदैछ । आज नेपाल एसबिआई मर्चेण्ट बैंकिङ्ग लिमिटेड र कृति भेन्चर फण्ड लिमिटेडको साधारण सभा हुँदैछ ,
नेपाल एसबिआई मर्चेण्ट बैंकिङ्गको सातौ वार्षिक साधारण सभा आज मंसिर १९ गते हुने भएको छ । कम्पनीले सभा नेपाल एसबिआई बैंकको केन्द्रीय कार्यालय सभाहल केशरमहल काठमाडौंमा दिनको ११ बजे शुरु हुने जनाएको छ ।
सभाले आर्थिक वर्ष २०७८/ ७९ को वार्षिक प्रतिवेदन छलफल गरी पारित गर्ने र आर्थिक वर्ष २०७९ / ८० का लागि लेखापरिक्षकको नियुक्ती र निजको पारिश्रमिक निर्धारण गर्ने लगायतका प्रस्ताव पारित गर्ने जनाएको छ ।
त्यस्तै, कृतिति भेन्चर फण्ड लिमिटेडले छैटौं वार्षिक साधारण सभा मंसिर १९ गते गर्ने भएको छ । कम्पनीले टाइम स्क्वायर रेष्टुरेन्ट बालुवाटारमा दिउँसो १ बजे साधारणा सभा गर्ने जनाएको छ । सभाले हकप्रद शेयर निष्काशन गर्ने प्रस्ताव पारित गर्नेछ ।
सभाले विशिष्टीकृत लगानी कोष व्यवस्थापन गर्न स्थापना तथा सञ्चालन गर्ने सम्बन्धी प्रस्ताव पनि पारित गर्नेछ । त्यस्तै सभाले आर्थिक वर्ष २०७८/ ७९ को वार्षिक प्रतिवेदन छलफल गरी पारित गर्ने र आर्थिक वर्ष २०७९/ ८० को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।
