काठमाडौं । कुमारी बैंकको संस्थापक शेयर आजदेखि लिलामीमा आएको छ । बैंकको १० हजार ७९६ कित्ता संस्थापक शेयर विक्रीमा आएको हो ।
यस शेयर खरीदका लागि विद्यमान संस्थापक शेयरधनीहरुले मात्र आवेदन दिन सक्नेछन् । कम्पनीले विद्यमान संस्थापक शेयरधनीहरुले मात्र खरीद गर्न पाउने गरी ३५ दिने सूचना बुधवार जारी गरेको हो ।
तोकिएको अवधिभित्र विद्यमान संस्थापक शेयधनीहरुको तर्फबाट आवेदन नपरेमा भने अन्य व्यक्ति तथा संस्थाहरुमा यस शेयर विक्री गर्ने बैंकले जनाएको छ । इच्छुकले कम्पनीको केन्द्रीय कार्यालयमा आवेदन पेश गर्नु पर्ने बैंकले बताएको छ ।
