काठमाडौं । कुमारी बैंकको पानै ३ लाख बढी कित्ता शेयर बिक्रीमा राखिएको छ।
बैंकका दुई संस्थापक शेयरधनीका नाममा रहेका २ लाख ८७ हजार ५३७ कित्ता संस्थापक शेयर बिक्रीमा राखिएको हो। जसमा संस्थापक शेयरधनी गोविन्द दाहालको १ लाख ६७ हजार ३४ कित्ता र चक्रधरी दाहालको १ लाख २० हजार ५०३ कित्ता रहेको छ।
बिक्रीमा राखिएको शेयरमा हाललाई संस्थापक शेयरधनीहरुले मात्रै खरिद आवेदन दिन पाउनेछन्। यसका लागि ३५ दिनको समय दिइएको छ।
इच्छुक संस्थापक शेयरधनीले काठमाडौंको टंगालस्थित कुमारी बैंकको प्रधान कार्यालय र नक्सालस्थित कुमारी क्यापिटलमा खरिद आवेदन दिन सक्नेछन्।
तोकिएको अवधिभित्र संस्थापक शेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई शेयर बिक्री खुला गरिने बैंकले जनाएको छ।
