काठमाडौं । अब कम्पनीहरुले कर्मचारीलाई तलबको सट्टामा शेयर प्रदान गर्न सक्नेछन्। सरकारले कम्पनी ऐन, २०६३ मा संशोधन गर्दै कम्पनीहरुलाई यो सुविधा प्रदान गरेको हो।
ऐनको दफा १८ को उपदफा (३घ)मा संशोधन गर्दै कम्पनी र कर्मचारीको लिखित सम्झौता भएमा कर्मचारीलाई प्रदान गरिने पारिश्रमिक, भत्ता र सुविधाको सट्टामा शेयर प्रदान गर्न सकिनेछ।
यसैगरी (३ङ) उपदफा (२)को खण्ड (क)मा उल्लेख भएबमोजिम संस्थापक वा अन्य कुनै व्यक्तिलाई नगदबाहेक अरु कुनै किसिमबाट शेयर प्रदान गर्न कम्पनीको चुक्तापुँजीको २० प्रतिशतभन्दा बढी नहुने व्यवस्था गरिएको छ। तर स्टार्टअप उद्यमका रुपमा दर्ता भएको कम्पनीको हकमा कम्पनीको चुक्तापुँजीको ४० प्रतिशतभन्दा बढी हुने नहुने प्रावधान ल्याइएको छ।
‘तर, सञ्चालनमा आइसकेको कुनै प्राइभेट कम्पनी पब्लिक कम्पनीमा परिणत हुँदा कारोबार गर्ने स्वीकृति आवश्यक पर्ने छैन’, ऐनमा उल्लेख छ।
