काठमाडौं । भारतीय जीवन बीमा निगम (एलआईसी) को बचत योजनाहरु सुरक्षा र प्रतिफल दुवैको हिसाबले धेरै लोकप्रिय छन्। यसमा बालबालिका, वृद्धवृद्धा र महिलाका लागि उमेरका आधारमा पोलिसीहरु उपलब्ध छन्। यीमध्ये धेरैमा थोरै लगानी गरेर पनि ठूलो फन्ड जम्मा गर्न सकिन्छ।
यस्तै एउटा योजना हो, एलआईसीको जीवन आनन्द पोलिसी। जसमा बीमितले प्रतिदिन मात्र भारु ४५ बचत गरेर भारु २५ लाख प्राप्त गर्न सक्नेछन्। यसबाहेक यस योजनामा धेरै अन्य लाभ पनि उपलब्ध छन्।
यदि बीमित कम प्रिमियममा आफ्ना लागि ठूलो कोष खडा गर्न चाहन्छन् भने जीवन आनन्द पोलिसी एक उत्कृष्ट विकल्प साबित हुन सक्छ। एक हिसाबले यो एउटा टर्म पोलिसीजस्तै हो। किनकि बीमितले जति समयका लागि यो पोलिसी लिन्छन्, त्यति अवधिसम्म प्रिमियम तिरे हुन्छ। यस योजनामा बीमितले एकमात्र होइन धेरै परिपक्वता लाभ पाउँछन्।
एलआईसीको यो योजनामा न्यूनतम भारु १ लाख सुनिश्चित गरिएको छ। जब कि अधिकतम सीमा तोकिएको छैन।
भारु ४५ जम्मा गरेर भारु २५ लाख कसरी प्राप्त हुन्छ ?
एलआईसी जीवन आनन्द पोलिसीमा बीमितले प्रत्येक महिना लगभग भारु १ हजार ३५८ जम्मा गरेर भारु २५ लाख प्राप्त गर्न सक्छन्। यसरी हेर्दा दैनिक भारु ४५ मात्रै बचत हुनेछ। तर, एलआईसीको यो पोलिसीलाई दीर्घकालीन योजनाका रुपमा हेरिएको छ। यसको अवधि १५ वर्षदेखि ३५ वर्षसम्म हुन्छ। यसको मतलब यो पोलिसीअन्तर्गत दैनिक भारु ४५ बचत गरेर ३५ वर्षसम्म लगानी गरेमा म्याच्योरिटीपछि भारु २५ लाख प्राप्त हुनेछ। यदि वार्षिक आधारमा बचत गरेको रकमलाई हेर्दा यो लगभग भारु १६ लाख ३०० हुनेछ।
यदि बीमितले यस एलआईसी योजनामा ३५ वर्षका लागि प्रत्येक वर्ष भारु १६ हजार ३०० लगानी गरेमा जम्मा गरिएको कुल रकम भारु ५ लाख ७० हजार ५०० रुपैयाँ हुनेछ। अब पोलिसी अवधिअनुसार आधारभूत बीमा रकम भारु ५ लाख हुनेछ, जसमा म्याच्युरिटी अवधिपछि बीमितले भारु ८ लाख ६० हजारको रिभिजनरी बोनस र भारु ११ लाख ५० लाखको अन्तिम बोनस पाउनेछन्। एलआईसीको जीवन आनन्द पोलिसीमा बोनस दुईपटक दिइन्छ। तर, यसका लागि बीमितको पोलिसी १५ वर्षे अवधिको हुनुपर्नेछ।
जीवन आनन्द पोलिसी लिने बीमितले यो योजनाअन्तर्गत कुनै पनि कर छुटको लाभ पाउँदैनन्। तर, यसमा बीमितले चार प्रकारका राइडर पाउनेछन्। यसमा दुर्घटना मृत्यु र असक्षमता राइडर, दुर्घटना लाभ राइडर, नयाँ अवधि बीमा राइडर र नयाँ क्रिटिकल बेनिफिट राइडर समावेश छन्। यदि कुनै कारणले बीमितको मृत्यु भएमा इच्छाएको व्यक्तिले पोलिसीको १२५प्रतिशत डेथ बेनिफिट पाउनेछन्।
