काठमाडौं । भारतको केन्द्रीय सरकारले एलआईसीका कर्मचारीहरुको तलब वृद्धिलाई स्वीकृत गरेको छ। यसबाट करिब १ लाख कर्मचारी र ३० हजार पेन्सनधारक लाभान्वित हुनेछन्।
भारत सरकारले एलआईसी कर्मचारीहरुको तलबमा १७ प्रतिशत वृद्धि स्वीकृत गरेको हो। यो वृद्धि अगस्त २०२२ देखि लागू भएको मानिने हुनेछ। यसको मतलब एलआईसीका कर्मचारीले अर्को महिनाको तलबसँगै ठूलो धनराशि पाउनेछन्।
भारत सरकारको स्वीकृतिपछि एलआईसीका कर्मचारीको तलब अर्को महिनादेखि बढ्नेछ। कर्मचारीको तलबमा १७ प्रतिशत वृद्धि भएपछि एलआईसीलाई बर्सेनि ४ हजार करोड भारुको भार पर्नेछ। त्यसैगरी २०१० अप्रिल १ पछि सामेल भएका २४ हजार कर्मचारीको एनपीएस योगदान १० प्रतिशतबाट बढाएर १४ प्रतिशत पुर्याएको छ।
संशोधनले एलआईसी पेन्सनरहरुलाई उनीहरुको योगदानलाई प्रोत्साहन गर्न एकमुष्ठ भुक्तानी पनि समावेश गर्दछ। यसबाट ३० हजारभन्दा बढी पेन्सनभोगी र परिवार निवृत्तिभरण प्राप्तकर्ता लाभान्वित हुनेछन्। कम्पनीले विज्ञप्ति जारी गर्दै सरकारले यसअघि पारिवारिक निवृत्तिभरणको रकम बढाएकोले २१ हजारभन्दा बढी पारिवारिक पेन्सनधारक लाभान्वित भएको जनाएको छ। कम्पनीले यो परिवर्तनले एलआईसीसँग आबद्ध कर्मचारी र निवृत्तिभरणमा सकारात्मक प्रभाव पार्ने दाबी गरेको छ।
कम्पनीले भविष्यका पुस्ताका लागि एलआईसीलाई थप आकर्षक रोजगारी प्रस्ताव पनि बनाउने जनाएको छ। भारत सरकारले हालै महँगी भत्ता ५० प्रतिशतले बढाएपछि यो वृद्धि भएको हो। यसको मतलब केन्द्र सरकारअन्तर्गतका कर्मचारीको भत्तामा ४ प्रतिशतले वृद्धि हुनेछ। यो महँगी भत्ता गत जनवरी १ देखि लागू भइसकेको छ। –एजेन्सी
