काठमाडौं । नेपाल आयल निगमले एक सातामै पुनः पेट्रोलियम पदार्थको मुल्य बढाएको छ । हिजो मंगलबार राति १२ बजेदेखि लागू हुनेगरी डिजेल, पेट्रोल, मट्टितेल आन्तरिक हवाई इन्धनको भाउ लिटरमा दुई रुपैयाँले बढाइएको निगमले जनाएको छ ।
अब पेट्रोल प्रतिलिटर ११४, डिजेल तथा मट्टितेलको ९७ र हवाई इन्धनको भाउ ६७ रुपैयाँ कायम भएको छ । मूल्य समायोजन पछि निगमलाई पेट्रोजमा प्रति लिटर ५ रुपैयाँ ८२ पैसा, डिजेलमा प्रति लिटर ४ रुपैयाँ १३ पैसा तथा एलपि ग्याँसमा प्रति सिलिण्डर २९५ रुपैयाँ ८३ पैसा घाटा रहेको निगमले जनाएको छ।
