काठमाडौं । एक्सेल डेभलपमेण्ट बैंकको हकप्रद शेयर बाँडफाँड भएको छ । कम्पनीले असोज १५ गतेदेखि कात्तिक २९ गतेसम्म निष्काशन गरेको ३० प्रतिशत हकप्रद शेयरको मंसिर १६ गते बाँडफाँड भएको हो ।
कम्पनीले २४ लाख ३३ हजार ३६३ दशमलव ६७४२ कित्ता हकप्रद शेयर निष्काशन गरेको थियो । उक्त शेयरमा ६ हजार १८० जना शेयरधनीलाई २४ लाख ६ हजार १०६ दशमलव ४७६८ कित्ता शेयर बाँडफाँड गरिएको कम्पनीले बताएको छ ।
विक्री नभएको २७ हजार २५७ दशमलव २ कित्ता हकप्रद शेयर धितोपत्र निष्काशन तथा विक्री प्रबन्धक एनआइबिएल एस क्यापिटल लिमिटेडले उक्त शेयर लिलामीमा विक्री गर्ने जनाएको छ ।
