काठमाडौं । उन्नति सहकार्य लघुवित्त वित्तीय संस्थाको प्रस्तावित लाभांश संशोधन भएको छ । कम्पनीको मंसिर ४ गते बसेको सञ्चालक समितिको बैठकले प्रस्तावित लाभांशलाई संशोधन गर्ने निर्णय गरेको हो ।
कम्पनीले आर्थिक वर्ष २०७७/७८ को मुनाफाबाट ३२ प्रतिशत बोनश शेयर वितरण गर्ने घोषणा गरेकोमा अब कम्पनीले शेयरधनीलाई ३० प्रतिशत बोनश शेयर वितरण गर्नेछ । नेपाल राष्ट्र बैंकले ग्राहक संरक्षण कोषमा रकम छुट्याउन निर्देशन दिएकाले लाभांश संशोधन गरेको संस्थाले जनाएको छ ।
उक्त लाभांश नेपाल राष्ट्र बैंकले स्वीकृती दिएपछि र कम्पनीको आगामी साधारण सभाबाट पारित भएपछि शेयरधनीले पाउनेछन् ।
