काठमाडौं । इरान–इजरायल युद्धका कारण कच्चा तेलको मूल्य फेरि बढ्न थालेको छ। यस्तो अवस्थामा पेट्रोल र डिजेल सस्तो हुने आशालाई झट्का लाग्न सक्छ।
एक रिपोर्टका अनुसार कच्चा तेलको मूल्य प्रतिब्यारेल २०० डलरसम्म पुग्न सक्छ। अहिले कच्चा तेलको मूल्य प्रति ब्यारेल ७५ डलरभन्दा अलि बढी छ। यसको मूल्य एकैदिन करिब ३ प्रतिशतले बढेको छ। जहाँ गत साता यसको मूल्य प्रतिब्यारेल ६८ डलर थियो।
यस्तो अवस्थामा यसको मूल्य एक महिनामा मात्रै ७ डलरले बढेको छ। जुन १० प्रतिशतभन्दा बढी हो।
इरान तेल बजारमा प्रमुख देश हो। इरानले दैनिक ४० लाख ब्यारेल तेल उत्पादन गर्छ। अहिले इरान र इजरायलबीच युद्धको अवस्था छ।
ब्रोकरेज फर्म गोल्डम्यान साक्सका अनुसार इजरायलले इरानको तेल भण्डारलाई निशाना बनाएमा विश्वको करिब ४ प्रतिशत तेल आपूर्ति खतरामा पर्न सक्छ। यस्तो अवस्थामा तेलको मूल्य प्रतिब्यारेल २०० डलरसम्म पुग्न सक्छ।
केही रिपोर्टका अनुसार यदि इजरायलले इरानको तेल भण्डारमा आक्रमण गरी नष्ट गर्छ भने कच्चा तेलको मूल्य प्रति ब्यारेल १०० डलर नाघ्न सक्छ। स्विडेनको बैंक एसईबीको रिपोर्टअनुसार यदि यस्तो भयो भने कच्चा तेलको मूल्य छिट्टै प्रतिब्यारेल २०० डलरसम्म पुग्न सक्छ। –एजेन्सी
