काठमाडौं । इमर्जिङ नेपाल लिमिटेडको छैठौ वार्षिक साधारण सभा कात्तिक १२ गते हुने भएको छ । कम्पनीको असोज ४ गते बसेको सञ्चालक समितिको बैठकले साधारण सभा गर्ने निर्णय गरेको हो ।
सभा एभरेष्ट होटल नयाँ बानेश्वर, काठमाडौंमा दिउँसो ३ः३० बजे शुरु हुने कम्पनीले जनाएको हो ।
सभामा कम्पनीको रजिष्टर्ड कार्यालयको ठेगाना परिवर्तन गर्ने, कम्पनीको प्रवन्धपत्र तथा नियमावलिमा आवश्यक संशोधन तथा थपघट गर्ने प्रस्ताव पारित हुनेछ ।
त्यसैगरी सभामा आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने लगायतका प्रस्ताव पारित हुनेछ ।
