जनकपुर । बीमा जागरण अभियान सञ्चालन गर्ने, सचेतना फैलाउने उद्देश्यले इन्स्योरेन्स प्रोफेशनल सोसाईटी गठन गरिएको छ । बीमा समितिका कानुन निर्देशक दिनेशलाल कर्णको प्रमुख आतिथ्यमा जनकपुरमा आयोजित भेलाबाट आईएमई जनरल इन्स्योरेन्सका अर्जुन कुमार पौडेलको अध्यक्षतामा नयाँ इन्स्योरेन्स प्रोफेशन सोसाइटी गठन गरिएको हो ।
बीमा समितिकै सुशिलदेव सुुुुवेेेदी विशेष अतिथि तथा मेघेन्द्र प्रकाश गिरी तथा सोन आलेमगरको आतिथ्यमा जनकपुरमा आइतबार भेला भेलाबाट ११ सदस्यीय कार्य समिति चयन गरिएको हो ।
नयाँ संस्थाले बीमा समिति मातहत रहेर बीमा जनचेतनाको काम गर्ने जनाइएको छ । सोसाइटीको उपाध्यक्षमा नेपाल लाईफका अनिल मिश्र, महासचिवमा एशियन लाईफका पुरुषोत्तम कुर्मी तथा कोषाध्यक्षमा सिटिजन्स लाइफका आकाश पाण्डे चयन भएका छन् ।
बीमा समितिका शम्भु प्रसाद मिश्रले भेलालाई समिति मातहतमा रहने गरी नयाँ संस्थाको कार्य समिति चयन गर्ने कार्यक्रमको सञ्चालन गरेका थिए । नव निर्वाचित अध्यक्ष पौडेलले बीमाबारे जनचेतना जगाउन सोसाइटीले सक्रिय भएर काम गर्ने प्रतिबद्धता व्यक्त गरेका छन् । प्रमुख अतिथि कर्णले सोसाइटीको सफलताको शुभकामना व्यक्त गरेका छन् ।
