काठमाडौं । आरजु राइस मिलले आफ्नो उत्पादन नेपाली बजारमा बिक्रि सुरु गरेको छ । नेपालमै उत्पादित धानलाई बजारीकरण गर्ने उदेश्यका साथ स्थापना गरिएको उक्त मिलले हाल जीरा मसिनोे र लङग्रेन चामलको बिक्रि सुरु गरेको हो ।
विगत साढे दुई दशकदेखि खेतीकिसानीलाई सहजीकरणको काम गर्दै आएका आरजु मिलले किसानलाई यान्त्रिकरण, उन्नत जातको बीउबिजन, कृषि परामर्श तथा किसानहरुलाई सहकारी माध्यमबाट सहजीकरण गर्दै आइरहेको छ । जसबाट उत्पादित धानलाई उपभोक्तामाझ सरल मूल्यमा उपलब्ध गराउने उदेश्यका साथ उत्पादन बिक्रि सुरु गरेको हो । उक्त लङग्रेन चामलको मूल्य प्रति केजी १३० रुपैयाँ तोकेको छ ।
किसानको धानलाई न्यूनतम समर्थन मूल्य तोकि धान प्राप्त भएको दुई दिनभित्रै खातामा रकम हस्तान्तरण गर्दै आएको आएको छ । हाल चार जार बिघाका हजारौं किसान मिलसँगको सहकार्यमा आवद्ध छन् । नेपालमा उत्पादन भएको धानलाई बजारीकरण गर्ने र विदेशबाट आयात नगर्ने मिलको योजना रहेको छ ।
अबको खेतीकिसानी निर्वाहमुखी नभई व्यवसायीकरण तथा आम्दानीमुलक हुनुपर्छ मन्ने अवधारणालाई अघि बढाएको यस मिलले निरन्तर नेपाली उत्पादनलाई निरन्तरता दिने जनाएको छ ।
