काठमाडौं । नेपालमा आज थप ९८ जनामा कोरोना संक्रमण पुष्टि भएको छ । पछिल्लो २४ घण्टामा देशभरबाट ९८ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट कुल १ हजार ७६८ जनामा कोरोना परिक्षण गरिएको थियो । जसमध्ये ४२७ जनामा आरटीपीसीआर परिक्षण गर्दा ७१ जनामा कोरोना पुष्टि भएको छ । साथै १३४१ जनामा गरिएको इन्टीजेन परिक्षणमा २७ जनामा संक्रमण पुष्टि भएको मन्त्रालयले जनाएको छ ।
आज थपिएकासँगै नेपालमा सक्रिय संक्रमितको संख्या ३२२ जना पुगेको छ । साथै २८ जना भने कोरोना संक्रमण मुक्त भएका छन् ।
