काठमाडौं । नेपालमा पछिल्लो २४ घण्टामा थप २६९ जनामा कोरोना संक्रमण पुष्टि भएको छ । सोहि समय थप एक जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ३ हजार ५५७ जनामा कोरोना संक्रमण परिक्षण गरिएको थियो । जसमध्ये १ हजार ७३२ जनामा गरिएको आरटी पिसीआर परिक्षणमा १८० जनामा कोरोना पुष्टि भएको हो । साथै १ हजार ८२५ जनामा गरिएको एन्टिजेन परिक्षणमा ८९ जनामा कोरोना संक्रमण पुष्टि भएको हो ।
सोहि समय देशभरबाट २१५ जना भने कोरोना संक्रमण मुक्त भएका छन् । साथै आज थपिएका संक्रमितसँगै नेपालमा सक्रिय कोरोना संक्रमितको संख्या भने ३ हजार १५८ जना पुगेको मन्त्रालयले जनाएको छ ।
