काठमाडौं । नेपालमा आज थप १३६ जनामा कोरोना संक्रमण पुष्टि भएको छ । पछिल्लो २४ घण्टामा देशभरबाट १३६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार आज कुल १ हजार ५९१ जनामा कोरोना परिक्षण गरिएको थियो । जसमध्ये, १ हजार १९ जनामा गरिएको आरटीपीसीआर परिक्षणमा ९२ जना र ५७२ जनामा गरिएको एन्टीजेन परिक्षणमा ४४ जना संक्रमित फेला परेको हो ।
आज थपिएका संक्रमितसँगै नेपालमा सक्रिय कोरोना संक्रमितको संख्या ३९० जना पुगेको । साथै पछिल्लो २४ घण्टामा ६४ जना भने कोरोना मुक्त भएका छन् ।
