काठमाडौं । नेपालमा थप १०४ जनामा कोरोना संक्रमण पुष्टि भएको छ । साथै आज कोरोना संक्रमणका कारण एक जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट कुल १ हजार ६३२ जनामा कोरोना परिक्षण गरिएको थियो । जसमध्ये, ५७१ जनामा आरटीपीसीआर परिक्षण गर्दा ६३ जनामा संक्रमण पुष्टि भएको हो । साथै १ हजार ६१ जनामा गरिएको एन्टीजेन परिक्षणमा ४१ जना संक्रमित पुष्टि भएको हो ।
आज थपिएकासँगै नेपालमा सक्रिय संक्रमितको संख्या ३७९ जना रहेका छन् । साथै पछिल्लो २४ घण्टामा ६० जना कोरोना मुक्त भएका छन् ।
