काठमाडौं । नेपालमा पछिल्लो २४ घण्टामा थप ५७ जनामा कोरोना संक्रमण पुष्टि भएको छ । देशभर गरिएको कोरोना परिक्षणमा थप ५७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट १ हजार ९३१ जनामा कोरोना परिक्षण गरिएको थियो । जसमध्ये ७१६ जनामा गरिएको आरटीपीसीआर परिक्षणमा ४१ जना र १ हजार २१५ जनामा गरिएको एन्टीजेन परिक्षणमा १६ जना संक्रमित भेटिएका हुन् ।
आज थपिएका संक्रमितसँगै नेपालमा सक्रिय संक्रमितको संख्या १४७ जना पुगेको छ ।
