काठमाडौं । आज नेपाली बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार हिजो तोलामा ८९ हजार रुपैयाँमा कारोबार भएको छापावाला सुनको मूल्य आज बुधबार १ सय रुपैयाँले घटेर तोलामा ८८ हजार ९ सय रुपैयाँमा कारोबार भएको हो ।
त्यस्तै, आज तेजावी सुनको मूल्य तोलामा ८८ हजार ४ सय ५० रुपैयाँ कायम भएको छ । हिजो मंगलबार तेजावी सुनको मूल्य तोलामा ८८ हजार ५ सय ५० रुपैयाँमा कारोबार भएको थियो ।
आज चाँदीको मूल्य भने स्थिर रहेको छ । हिजो तोलामा ११ सय ५५ रुपैयाँमा कारोबार भएको चाँदीको मूल्य आज पनि सोही मूल्यमा कारोबार भएको छ ।
