काठमाडौं । आज सोमबार सुनको भाउ घटेको छ । हिजो आइतबार तोलामा ९२ हजार १ सय रुपैयाँमा कारोबार भएको छापावाला सुनको भाउ आज तोलामा १ सय रुपैयाँले घटेको छ । आज सुनको भाउ तोलामा ९२ हजार रुपैयाँमा कारोबार भइरहेको सुन चाँदी व्यवसायी महासंघले जनाएको छ ।
त्यस्तै, आज तेजाबी सुनको भाउ पनि तोलामा १ सयले नै घटेर ९१ हजार ५ सय रुपैयाँमा कारोबार भइरहेको छ ।
आज चाँदीको भाउ भने तोलामा १० रुपैयाँले बढेर तोलाको १२ सय २० रुपैयाँमा कारोबार भइरहेको सुन चाँदी व्यवसायी महासंघले जनाएको छ ।
