काठमाडाैं। मन्त्री परिषद् बैठकले अर्थ सचिव पदमा डा. कृष्णहरि पुष्करलाई पुनः नियुक्त गरेकाे छ । प्रधानमन्त्री तथा मन्त्री परिषद्काे कार्यालयमा रहेका उनलाई शुक्रबारकाे मन्त्री परिषद् बैठकले अर्थ सचिवकाे जिम्मेवारी दिने निर्णय गरेकाे हाे । सरकारले अर्थ सचिव अर्जुन पाेखरेलकाे अन्यत्र सरुवा गरेर उनलाई अर्थ मन्त्रालयमा भित्र्याएकाे हाे ।
सचिव पुष्कर मन्त्री परिषद् कार्यालयमा सरुवा हुनु अघि सामान्य प्रशासन मन्त्रालयकाे सचिव रहेका थिए । यसअघि २०७८ असार ४ मा सचिव पदमा बढुवा भएका पुष्करलाई यस अघि २०७८ भदाै ११ मा राजश्व सचिवकाे जिम्मेवारी दिइएकाे थियाे । पुष्करले १४ महिनापछि पुनः अर्थ मन्त्रालयमा सचिवकाे हैसियतमा प्रवेश पाएका हुन् ।
पुष्कर अर्थमा सचिव हुँदा कार्य सम्पादनका कारण भन्दा पनि करकाे दर हेरफेर, अर्थमन्त्रालयकाे सिसिटिभी फुटेज गायब पारेकाे लगायतका विषयका कारण चर्चामा रहेका थिए । अहिले मुलुककाे आर्थिक अवस्था निक्कै कमजाेर रहेकाे र महँगी उच्च दरमा वृद्धि भइरहेका बेला अर्थ सचिवकाे रुपमा पुष्करले नीतिगत सुधारकाे माध्यमबाट बढ्दाे व्यापार घाटा नियन्त्रण र निर्यात प्रवर्द्धनसँगै विदेशी मुद्रा आर्जन गर्नुपर्ने चुनाैतीकाे सामना कसरी गर्नेछन् भन्ने हेर्न बाँकी छ।
