निर्जिबन बीमा ब्यबसायको पहिलो बीमा कम्पनी नेपाल इन्स्योरेन्सले निर्जिबन बीमा क्षेत्रमा अभिकर्ता भई कार्य गर्न चाहने इच्छुक व्यक्ति तथा संस्थाका लागि बीमा अभिकर्ता तालिम सञ्चालनमा गर्ने भएको छ ।
कम्पनीले २०७६ बैशाख १२ गतेदेखि २०७६ बैशाख १४ गते सम्म तिन दिनको बीमा अभिकर्ताको तालिम सञ्चालन गर्ने भएको हुँदा इच्छुक व्यक्ति वा संस्थाका लागि निवेदन दिन आब्हान गरेको छ ।
कम्पनीले आफ्नो शाखा कार्यालय तुल्सिपुर र दाङमा निशुल्क तालिम सञ्चालन गर्न लागेको हो । इच्छुक तथा योग्यता पुगेका आवेदकले कम्पनिको केन्द्रिय कार्यालय वा शाखा कार्यालय वा तुल्सिपुर र घोराही, दाङमा सम्पर्क गर्नु पर्ने कम्पनीले जनाएको छ ।
आवेदकले आवेदन दिदाँ नागरिकताको प्रमाणपत्रको प्रतिलिपि, शैक्षिक योग्यताको प्रतिलिपि र हालसालै खिचिएको पासफोर्ट साईजको ४ प्रति फोटो पेश गर्नु पर्ने छ । 
