काठमाडौं । अपि पावर कम्पनीले विद्युत नियमन आयोगबाट हकप्रद शेयर निष्काशनको लागि सहमति पाएको छ। विद्युत नियमन आयोगको फागुन २६ गतेको बैठकले कम्पनीलाई हकप्रद शेयर निष्काशनको लागि सहमति प्रदान गरेको हो।
अब नेपाल धितोपत्र बोर्डले स्वीकृति दिएपछि कम्पनीले हकप्रद निष्काशन गर्नेछ । कम्पनीले हाल विद्यमान रहेको चुक्ता पूँजी ३ अर्ब ८४ करोड ४९ लाख १५ हजार ५ साय ४६ रुपैयाको ७ दशमलव ५ प्रतिशत बोनश शेयर समेत समावेश गरी कायम हुने चुक्ता पूँजी ४ अर्ब १३ करोड ३२ लाख ८४ हजार २ सय रुपैयाँको १ः ०४० को अनुपातमा १ सय रुपैयाँ अंकित दरका १६५३३१३७ कित्ता हकप्रद शेयर जारी गर्ने निर्णय गरेको हो ।
