काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई सोमबार भैरहवा कारागार चलान गरिएको छ।
उच्च अदालत तुलसीपुरको बुटवल इजलासले सुप्रिम सहकारी प्रकरणमा सभापति लामिछानेलाई थुनामा राख्न आदेश दिएको थियो। सोही आदेशबमोजिम अदालती प्रक्रिया पूरा गरेर लामिछानेलाई भैरहवा कारागार चलान गरिएको जिल्ला प्रहरी कार्यालय रुपन्देहीले जनाएको छ।
रुपन्देही प्रहरीका अनुसार अब अर्को आदेश नआउन्जेलसम्म लामिछानेलाई कारागारमा राखिनेछ।
बुटवल अदालतको आदेशपछि प्रहरीले लामिछानेलाई गत शुक्रबार राति काठमाडौंबाट पक्राउ गरेको थियो। उनलाई शनिबार बिहान भैरहवा पुर्याइएको थियो। दुई दिन बिदा परेकोले आज प्रहरीले अदालती प्रक्रिया पूरा गरी लामिछानेलाई कारागार चलान गरेको हो।
