काठमाडौं । माउन्ट एभरेष्ट पावर डेभलपमेन्टको शेयर भोलि बुधबारबाट दोस्रो बजारमा कारोबारमा आउने भएको छ।
माउन्ट एभरेष्ट पावरको आइपीओ आज मंगलबार नेपाल स्टक एक्सचेन्ज (नेप्से)मा सूचीकृत भएको छ। कुनै पनि कम्पनीको आइपीओ नेप्सेमा सूचीकृत भएको दोस्रो दिनबाट कारोबारमा आउँछ। सोहीबमोजिम यो कम्पनी शेयर भोलिबाट कारोबारमा आउने भएको हो।
नेप्सेमा माउन्ट एभरेष्ट पावरको १०० रुपैयाँ अंकित दरका कुल ८६ लाख कित्ता शेयर सूचीकृत भएको छ। जसमा सर्वसाधारणको २५ लाख ८० हजार कित्ता (३० प्रतिशत) र संस्थापकको ६० लाख २० हजार कित्ता (७० प्रतिशत) रहेको छ।
पहिलो कारोबारका लागि नेप्सेले माउन्ट एभरेष्ट पावरलाई प्रतिकित्ता न्यूनतम १०० रुपैयाँदेखि अधिकतममा ३०० रुपैयाँ तोकेको छ। कारोबार संकेत भने यो कम्पनीले ‘एमईपीडीएल’ पाएको छ।
अब भोलि शुक्रबार स्पेसल प्रिसेसनमा यो कम्पनीको शेयर नेप्सेले तोकेको रेन्जभित्र किनबेच भएमा नियमित सत्रका लागि कारोबारमा आउनेछ।
माउन्ट एभरेष्ट पावरले गत असार ३ गतेदेखि असार ८ गतेसम्म सर्वसाधारणका लागि आइपीओ बिक्री खुला गरेको थियो। आइपीओ बाँडफाँट भने असार १९ गते गरिएको थियो।
