काठमाडौं । नेपाल स्टक एक्सचेञ्जमा नेपाल इन्स्योरेन्स कम्पनीको शेयरमूल्य समायोजन भएको छ। हकप्रद शेयर निष्काशन प्रयोजनार्थ इन्स्योरेन्सले बुकक्लोज गरेसँगै नेप्सेले शेयरमूल्य समायोजन गरी नयाँ मूल्य निर्धारण गरेको हो।
नेप्सेले कम्पनीको ३४.७८२६०८७ प्रतिशत हकप्रद शेयर समायोजन गरेको हो। समायोजनपश्चात इन्स्योरेन्सको शेयरमूल्य ६०६ रुपैयाँ ६५ पैसा कायम भएको छ। नेप्सेले अघिल्लो कारोबार दिनको अन्तिम मूल्यका ७८२ रुपैयाँ ८७ पैसाको आधारमा मूल्य समायोजन गरेको हो।
यही समायोजित मूल्यलाई आधार मानेर आइतबार दोस्रो बजारमा शेयर कारोबार खुल्नेछ।
