काठमाडौं । जीवन बीमा व्यवसाय गर्ने बीमा कम्पनीहरुले बैशाख महिनासम्ममा लघु बीमा मार्फत २ अर्ब ४३ करोड ३० लाख रूपैयाँ बीमाशुल्क संकलन गरेका छन् ।
नेपाल बीमा प्राधिकरणले प्रकाशन गरेको तथ्याङ्क अनुसार यी कम्पनीहरुले ४९ लाख ६९ हजार ८४३ वटा लघु बीमालेख बिक्री गरेका छन् ।
यस अवधिसम्ममा नेशनल लाइफले ७२ करोड ७ लाख रुपैयाँ लघु बीमाशुल्क संकलन गरेको छ। नेपाल लाइफले ६ करोड ९८ लाख रुपैयाँ बीमाशुल्क संकलन गरेको छ । एलआइसी नेपालले ३ लाख ५५ हजार रुपैयाँ बीमाशुल्क संकलन गरेको छ।
मेट लाइफले ९ करोड २६ लाख रुपैयाँ बीमाशुल्क संकलन गर्दा एशियन लाइफले ४४ लाख ११ हजार रुपैयाँ बीमाशुल्क संकलन गरेको छ ।
सन नेपाल लाइफले १ करोड ७१ लाख रुपैयाँ र रिलायबल नेपाल लाइफले ९४ करोड ३४ लाख रुपैयाँ बीमाशुल्क संकलन गरेको छ। सिटिजन लाइफले ३७ करोड ६३ लाख रुपैयाँ बीमाशुल्क संकलन गरेको छ। सूर्यज्योति लाइफले २५ करोड ५८ लाख रुपैयाँ बीमाशुल्क संकलन गरेको छ।
सानिमा रिलायन्स लाइफले २३ करोड २२ लाख रुपैयाँ र हिमालयन लाइफले १२ हजार रुपैयाँ बीमाशुल्क संकलन गरेको छ। प्रभु महालक्ष्मी लाइफले ६ करोड ९१ लाख रुपैयाँ बीमाशुल्क संकलन गरेको छ।
लघु जीवन बीमकको कारोबारः
लघु जीवन बीमकमध्ये गार्डियन माइक्रो लाइफले २४ करोड १० लाख रुपैयाँ गर्दा क्रेष्ट माइक्रो लाइफले २२ करोड ९७ लाख रुपैयाँ बीमाशुल्क संकलन गरेको छ । लिबर्टी माइक्रो लाइफले ११ करोड ४० लाख रुपैयाँ बीमाशुल्क संकलन गरेको छ।
कार्यान्वयन भएन प्राधिकरणको निर्देशनः
नेपाल बीमा प्राधिकरणले प्रत्येक बीमकलाई कुल बीमा कारोबारको कम्तीमा ५ प्रतिशत लघु बीमालखे बिक्री गर्न दिएको निर्देशन बीमकले पूर्ण कार्यान्वयन गरेका छैनन् । चालू आर्थिक वर्ष २०८१।८२ को पहिलो १० महिनाको अवधिमा जीवन बीमकले संकलन गरेको बीमाशुल्कमा लघु बीमाको हिस्सा २ प्रतिशत मात्र छ।
