काठमाडौं । नेपाली बजारमा आज सुनको भाउमा गिरावट आएको छ । नेपाल सुनचाँदी व्यवसायी महासंघका अनुसार आज सुनको भाउ तोलामा ४ सय रुपैयाँले घटेको छ। योसँगै प्रतितोला छापावाल सुनको भाउ १ लाख ७३ हजार ४ सय रुपैयाँमा कारोबार भइरहेको छ । हिजो सुन १ लाख ७३ हजार ८ सय रुपैयाँ कायम भएको थियो ।
आज चाँदीको भाउ भने स्थिर रहेको छ । आज चाँदी तोलामा १८ सय ३० रुपैयाँमा कारोबार भइरहेको छ । हिजो पनि चाँदी १८ सय ३० रुपैयाँमा किनबेच भएको थियो।
