काठमाडौं । बीमा धोकाधडीमा संलग्न भारतको युनाइटेड इन्डिया इन्स्योरेन्सका पूर्वकर्मचारीसहित ३ जनालाई ५ वर्षको जेल सजाय फैसला गरिएको छ।
अहमदावादस्थित विशेष सीबीआई अदालतले बिहीबार बीमा कम्पनीका पूर्वकर्मचारी र बीमा धोकाधडीमा संलग्न अन्य दुईजनालाई जेल सजाय फैसला सुनाएको हो। जेल सजाय पाउनमा युनाइटेड इन्डिया इन्स्योरेन्सको सिलवासा शाखाका तत्कालीन सहायक किकुभाइ ढोडी र अन्य दुईजना वसन्तभाइ पटेल तथा अपूर्व पटेल छन्।
अदालतले यी ३ जनालाई भारु ३५ लाख ३० हजार जरिवाना पनि तोकेको छ। उनीहरुले बीमा धोकाधडीका लागि आपराधिक षड्यन्त्र रचेको र कम्पनीलाई वित्तीय नोक्सानी पुर्याएको अदालतले ठहर गरेको छ।
