काठमाडौं । नेपाल आयल निगमले डिजेल र मट्टीतेलको भाउ घटाएको छ भने पेट्रोलको यथावत राखेको छ।
भारतबाट मूल्य घटेर आएसँगै निगमले मंगलबारदेखि लागू हुने गरी डिजेल र मट्टीतेलको भाउ प्रतिलिटर २ रुपैयाँले घटाएको हो। अब काठमाडौंमा प्रतिलिटर डिजेल र मट्टीतेल १४९ रुपैयाँ कायम भएको छ। यसअघि प्रतिलिटर १५१ रुपैयाँ थियो।
यसैगरी निगमले हवाई इन्धनको मूल्य पनि घटाएको छ। हवाई इन्धन आन्तरिकतर्फ प्रतिलिटर ७ रुपैयाँ र अन्तर्राष्ट्रियतर्फ प्रतिकिलोलिटर अमेरिकी डलर ५१ घटेको छ।
निगमले पेट्रोल र एलपी ग्यासको भाउ भने यथावत नै राखेको छ।
