काठमाडौं । पेशागत अभिकर्ता संघ नेपाल केन्द्रिय समितिले बीमक समिति एलआइसी नेपालको जनकपुर अधिवेशनबाट निर्वाचित कार्य समिति अवैध भएको दाबी गरेको छ। केन्द्रिय समितिका अध्यक्ष केदारनाथ अधिकारी र महासचिव ओम बहादुर खत्रीले संयुक्त विज्ञप्ती जारी गर्दै चैत्र १७ गते काठमाडौंमा सम्पन्न बैठकले बीमक समिति एलआइसी नेपालको तदर्थ समिति पुनर्गठन गरेको जानकारी गराएका छन्।
एलआइसीका प्रमुख कार्यकारी अधिकृतलाई सम्बोधन गरिएको पत्रमा नर बहादुर घर्तीको संयोजकत्वमा ३२ सदस्यीय कार्य समिति गठन गरिएको जानकारी गराइएको छ।
एलआइसी नेपाल पेशागत अभिकर्ता संघको जनकपुर अधिवेशनले चुन्यो नयाँ नेतृत्व
पुनर्गठित कार्य समितिमा देवी तिउसिना वरिष्ठ उपाध्यक्ष र रोशन पन्त राम नारायण साह, टेक बहादुर खड्का गोविन्द बहादुर खड्का नवराज गौतम, पद्मा ओली र रामबहादुर शाही प्रदेश उपाध्यक्ष पदको जिम्मेवारी पाएका छन् ।
पेशागत अभिकर्ता संघ नेपाल राष्ट्रिय ट्रेड युनियन कार्य समितिले केही अनधिकृत व्यक्तिले कम्पनीको व्यवसाय वृद्धिमा अवरोध सिर्जना गरी चैत्र १५ गते जनकपुरमा अस्वाभाविक गतिविधि गरी पेशागत अभिकर्ता संघ बीमक एलआइसी नेपाल र लाइफ इन्स्योरेन्स कर्पोरेशन नेपाललाई बदनाम गर्ने दुस्साहस गरेको आरोप समेत लगाएको छ।
जनकपुरमा शनिबार सम्पन्न भएको अधिवेशनले रामकुमार अधिकारीको नेतृत्वमा २२ सदस्यीय कार्य समितिको निर्वाचन गरेको थियो।
