काठमाडौं । संघीयता कार्यान्वयनको क्रममा प्रदेश नं २ अन्तर्गतको लोकसेवा आयोग कार्यालयले कर्मचारी भर्ना गर्न सुरु गरेको छ । लोकसेवा आयोग प्रदेश २ ले राजपत्राङ्कित तृतीय श्रेणी (प्राविधिक) पदमा कर्मचारी माग गर्र्दै सूचना प्रकाशित गरेको छ ।
आयोगले बिहीबार एक सूचनामार्फत खुला तथा समावेशीमा आवेदन खुल्ला गरिएको जनाएको छ । उक्त सो पदहरुमा पुस १५ गतेभित्र आवेदन दिन सक्ने सूचनामा उल्लेख छ । यस्तै दोब्बर दस्तुर तिरेर भने पुस २२ गतेसम्म पनि आवेदन दिन सकिनेछ ।
लिखित, सामूहिक छलफल तथा अन्तर्वाताको विधिमार्फत गरिने नयाँ कर्मचारी भर्नाको लागि विगतको भन्दा केही फरक शैली अपनाइएको पाइएको छ ।
