काठमाडौं । गुराँस लाइफ इन्स्योरेन्स कम्पनीले चालु आर्थिक वर्षको पहिलो त्रैमासको वित्तीय विवरण प्रकाशन गरेको छ । कोरोना महामारीको समयमा बीमाको व्यवसायमा प्रभावित हुने चिन्ता भइरहेको बेला गुराँस लाइफ इन्स्योरेन्स कम्पनीले भने ठुलो फड्को मार्न सफल भएको छ । कम्पनीको खुद बीमा बीमा शुल्क आर्जन दोब्बरभन्दा बढीले बृद्धि भएको छ भने मुनाफा सहितमा सूचाङकहरु सकरात्मक देखिएका छन् ।
खुद बीमाशुल्क आर्जन : कम्पनीले यस अवधिसम्ममा ९६ करोड २६ लाख रुपैयाँ खुद बीमाशुल्क आर्जन गरेको छ। गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ११४ दशमलव ६२ प्रतिशतले बढी हो । गत आर्थिक वर्षको सोही अवधिमा कम्पनीले ४४ करोड ८५ लाख रुपैयाँ खुद बीमाशुल्क आर्जन गरेको थियो ।
चुक्ता पुँजी र कोष :
एक अर्ब ८७ करोड ७० लाख रुपैयाँ चुक्ता पूँजी रहेको कम्पनीको जगेडा कोषमा ५६ करोड ६२ लाख रुपैयाँ संचिती रहेको छ । त्यस्तै, जीवन बीमा कोषमा ८ अर्ब ५० करोड ५ लाख र महाविपत्ती कोषमा ४ करोड ९६ लाख रुपैयाँ रहेको कम्पनीले प्रकाशन गरेको वित्तीय विवरणमा उल्लेख गरेको छ ।
कुल बीमा शुल्क आर्जन :
यस अवधिसम्ममा कम्पनीले ९७ करोड ३ लाख रुपैयाँ कुल बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ४५ करोड २९ लाख रुपैयाँ मात्र कुल बीमा शुल्क आर्जन गरेको थियो ।
खुद नाफा :
त्यस्तै, समिक्षा अवधिमा कम्पनीले ४ करोड २७ लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिको तुलनामा कम्पनीको नाफा एक करोड ८ लाख रुपैयाँ ले बढी हो । गत आर्थिक वर्षको यहि अवधिमा इन्स्योरेन्सले ३ करोड १९ लाख रुपैयाँ खुद नाफा आर्जन गरेको थियो।
हालसम्म कुल बीमा शुल्क आर्जन :
त्यसैगरी कम्पनीले हालसम्म इन्स्योरेन्सले १० अर्ब ९९ करोड ७६ लाख रुपैयाँ कुल बीमाशुल्क आर्जन गरेको छ। इन्स्योरेन्सले ४९९ दाबी वापत १४ करोड ७२ लाख रुपैयाँ भुक्तानी गरेको छ ।
खुद दाबी भुक्तनी :
चालु आर्थिक वर्षको पहिलो त्रैमासमा कम्पनीले १४ करोड २९ लाख रुपैयाँ खुद दाबी भुक्तनी गरेको छ । गत आर्थिक वर्षको सोही अवधिमा कम्पनीले ७ करोड ५० लाख रुपैयाँ खुद दाबी भुक्तानी गरेको थियो ।
सूचक :
कम्पनीको वार्षिक प्रतिशेयर आम्दानी ९ रुपैयाँ ११ पैसा, प्रतिशेयर नेटवर्थ १ सय ३२ रुपैयाँ ८२ पैसा र मूल्य आम्दानी अनुपात ६६.६० गुणा रहेको वित्तीय विवरणमा उल्लेख छ ।
