काठमाडौ । जनरल इन्स्योरेन्सको आईपिओ खुल्ला गरेको ३६ घण्टामा चार लाख भन्दा बढिको आवेदन परेको छ । हिजो ८ घण्टाभित्रैमा सर्भरमा समस्या आउँदा आउँदै एक लाखभन्दा बढिको आवेदनमा परेकोमा आज सो संख्या चार लाख नाघेको हो ।
सीडीएसका अनुसार आज ५ बजेसम्म एक अर्ब ४५ करोड ७८ लाख ७६ हजार रुपैयाँ बराबरको आवेदन परेको छ । जनाइएको छ । बैंकबाट समेत भरेकोले चार लाख भन्दा बढि आवेदन परेको जिआईसीले जनाएको छ ।
कम्पनीले निष्काशन गरेको कुल ३० लाख कित्तामध्ये १ लाख २० हजार कित्ता अर्थात ४ प्रतिशत संस्थाका कर्मचारी र १ लाख ५० हजार कित्ता अर्थात ५ प्रतिशत सामुहिक लगानी कोषका लागि छुटयाइएको छ । बाँकी २७ लाख ३० हजार कित्ता शेयर सर्वसाधारणमा बाँडफाँड हुनेछ ।
