सुनको मुल्यमा उच्च गिरावट, कतिमा हुँदैछ कारोबार?

काठमाडौं । आज बुधबार सुनको भाउमा गिरावट आएको छ । मंगलबार तोलाको ९८ हजार ४ सय रुपैयाँमा कारोबार भएको छापावाला सुनको भाउ आज तोलामा एकैपटक १२ सय रुपैयाँले घटेर ९७ हजार २ सयमा कारोबार भइरहेको छ ।

त्यस्तै, तेजावी सुन पनि आज तोलामा १२ सयले नै घटेर प्रतितोला ९६ हजार ७ सय कायम भएको छ । चाँदीको भाउ भने तोलामा एकैपटक ३० रुपैयाँले घटेर १३ सय ६५ रुपैयाँमा कारोबार भएको छ ।