सानिमा लाईफ इन्स्योरेन्स कम्पनीले सानिमा शुभलक्ष्मी जीवन बीमा योजना ल्याएको छ । जुन योजनामा बीमीतलाई बीमा अवधिमा केही भएमा बीमाङ्क रकमको तीन गुणासम्मको दाबी भुक्तानी पाउने व्यवस्था गरिएको छ ।
यस बीमा योजनामा मध्यम र निम्न वर्गको लागि पनि लक्षित गरीएको छ । कम्पनीले न्यूनतम २५ हजार रुपैयाँ देखि अधिकतम १० लाख रुपैयासम्मको बीमाङ्क तोकेको छ । यसबाट निम्न आयस्तर भएका बीमीतले पनि यस बीमा योजना खरीद गर्न सक्ने भएका छन् ।
यस बीमा योजनाको लागि न्यूनतम १६ बर्षदेखि अधिकतम ६० बर्ष समूहसम्मका व्यक्तिले यस बीमा योजना खरीद गर्न सक्ने छन् । साथै यो पोलिसीको न्यूनतम अवधी १० वर्षको रहेको छ भने अधिकतम ५४ वर्षसम्मको लागि लागु हुने छ ।
साथै यो योजना अधिकतम ७० वर्षसम्म परिपक्क हुनेछ । यो योजना परिपक्व भएको अवस्थामा बीमाङ्क रकम बराबरको पैसा र बोनस पनि प्राप्त गर्न सकिनेछ ।
