काठमाडौं । भारतबाट नेपाल फर्केकाहरुलाई उद्धार गरेर दाङतर्फ लैजादै गरेको एक मिनि बस गएराति बाँकेमा एक बस दुर्घटनाग्रस्त हुँदा १२ जनाको मृत्यु भएको छ भने थप छ जनाको अवस्था गम्भिर छ । नेपालगन्जस्थित सीमा क्षेत्रबाट नेपालीहरु लिएर दाङतर्फ जाने क्रममा रहेको ना५ख ५९९५ नम्वरको मिनि बस महेन्द्र राजमार्ग अन्तर्गत बाँकेको राप्ती सोनारी गाउँपालिका–२ ठुरिया जंगलमा दुर्घटनाग्रस्त भएको हो । घट्नामा २० जना घाइते भएको स्थानीय प्रहरीले जनाएको छ ।
११ जनाको घटनास्थलमै र एक जनाको भेरी अञ्चल अस्पताल नेपालगन्जमा उपचारको क्रममा मृत्यु भएको जिल्ला प्रहरी कार्यालय बाँकेले जनाएको छ । अत्याधिक गतिमा रहेको बस सडक किनारामा रोकिराखेको बा ४ ख ९०६४ नम्बरको ट्रकमा ठोक्किएर दुर्घटना परेको हो । मृतक ११ पुरुष र एक महिला छन् । उनीहरुको सनाखत हुन सकेको छैन । घटनामा बीमा दावी ठूलै रकम पर्ने देखिएको छ ।
