काठमाडौं । कोरोना भाइरसको संक्रमण दिनहु बृद्धि हुने क्रममा छ । पछिल्लो २४ घण्टामा १८९ जनामा कोरोना भाइरसको संक्रमण भेटिएको स्वास्थ्य तथा जनसंख्या मन्त्रालयले जनाएको छ ।
आजको विवरणसँगै कूल संक्रमितको संख्या १४०१ पुगेको छ । स्वास्थ्य तथा जनसंख्या मन्त्रालयका प्रबक्ता डा. विकाश देवकोटाले देशका विभिन्न स्थानमा गरिएको परिक्षणको क्रममा उनीहरु कोरोना संक्रमण भेटिएको हो । पछिल्लो २४ घण्टामा करिब ३ हजार जनाको परिक्षण गर्दा सो संख्यामा कोरोना संक्रमित थपिएको हो ।
