काठमाडौं: विगत एक महिनाको अवधिमा सेयर बजारको बैंकिङ्ग समूहको परिसूचक १०५ दशमलव ६७ अंकले बढेको छ । गत भदौ ११ गते १ हजार ११८ दशमलव ९४ विन्दुमा रहेको बैंकिङ्ग परिसूचक असोज ११ गते १ हजार १३ दशमलव २७ विन्दुमा पुगेको छ ।
सो अवधिमा २१ दिन बजारमा कारोबार खुल्ला रह्यो । जसमध्ये नौ दिन परिसूचक घटेको छ भने बाँकी दिन बजार बढेको छ । गत भदौ १० गते बैंकिङ्ग परिसूचक सबैभन्दा धेरै १२ दशमलव ५७ अंकले घटेको थियो । त्यस्तै भदौ ११ गते पनि बैकिंग परिसूचक २ दशमलव ६९ अंकले घटेको थियो ।
तर, भदौ १२ गते भने बैंकिङ्ग परिसूचक २९ दशमलव ४४ अंकले बढेको थियो । यो अंक उक्त अवधिमा सबैभन्दा धेरै हो । साथै भदौ २८ गते भने बैंकिङ्ग परिसूचक १६ अंकले बढेको थियो ।
