एजेन्सीहरु । पाकिस्तानको कराचीस्थित विमानस्थलमा अवतरणको क्रममा रहेको जहाज धावनमार्ग नपुग्दै मानव बस्तीमा बजारिँदा दर्जनौंको मृत्यु भएको छ । पाकिस्तान इन्टरनेशनल एयरलाइन्सको एयरबस ए ३२० जहाज स्थानीय समय अनुसार अपरान्ह १४ः४० बजे बस्तीमा बजारिएर भएको दुर्घटनापछि पनि दुई जना जहाजका यात्रुहरु जीवित भएको बीबीसीले जनाएको छ ।
अन्तर्राष्ट्रिय सञ्चार माध्यमका अनुसार लाहोरबाट कराँची नजिकैको जिन्नाह विमानस्थलमा अवतरणको क्रममा रहेको जहाजले धावनमार्गमा एप्रोच लिइसकेर जाँदै गर्दा ३२०० मिटर वरको बस्तीमा खसेर दुर्घटनाग्रस्त भएको हो । जहाज दुर्घटनापछि कराँचीको मोडेल कोलोनीमा विभत्स दृष्य देखिएको थियो ।
समाचार एजेन्सीका अनुसार जहाजमा ९१ यात्रु तथा ८ जना चालक दलका सदस्यसहित कूल ९९ जना मानिसहरु थिए । जहाज दुर्घटनापछि बस्तीका स्थानीयबासीको समेत भृत्यु भएको जनाइएको छ । जहाजमा केही पाकिस्तानी पत्रकारहरु रहेको जनाइएको छ । फ्लाईट राडारका अनुसार जहाज लाहोरबाट उड्ने वित्तिकै प्राविधिक समस्या आएको अनुमान गरिएको छ । जहाजले १६ हजार फिटको उचाईमा पुगेपछि राडार सम्पर्क बन्द गरेको देखिएको छ ।
Heartfelt condolences to the families of those who lost their near and dear ones in today’s plane crash. PIA’s Lahore-Karachi flight PK-8303 was carrying around 100 passengers. ✈️ 😩🚨 #BreakingNews #planecrash pic.twitter.com/7WkpIgoo3n
— Danyal Gilani (@DanyalGilani) May 22, 2020
पाकिस्तानको नागरिक उड्डयन प्राधिकरणका अनुसार उक्त विमान लाहोरबाट आएको थियो । प्राधिकरणका अनुसार विमान अवतरण हुनु एक मिनेट पाइलटले आपतकालिन अवस्था घोषणा गर्दै टावरलाई ‘मेडे’ नोटिस पठाएका थिए । त्यसको क्षणभरमै ठूलो धुवाको मुस्लोसहित जहाज दुर्घटनामा परेको थियो । दुर्घटनापछि अबौं रुपैयाँको दावी भुक्तानी पर्ने भएको छ । हवाई जहाज दुर्घटना ठूला बीमा कम्पनी तथा पुनर्बीमा कम्पनीमाथि आर्थिक भार पर्नेछ ।
