काठमाडौं, फागुन २८ आर्थिक वर्ष २०७४÷०७५ मा बीमा समितिबाट ३८ हजार ८ सय ३३ जनाले अभिकर्ता इजाजतपत्र लिएका छन् । बीमा समितिको फागुन १५ सम्मको तथ्याङक अनुसार इजाजतपत्र लिएका बीमा अभिकर्तामध्ये २५ प्रतिशत मात्र सक्रिय देखिन्छन ।
तर हालसम्म समितिबाट जीवन र निर्जीवन गरी ३ लाख ८७ हजार ८ सय ८१ जनाले अभिकर्ताले इजाजतपत्र लिएका छन् । यसमा दुवै बीमाक्षेत्रमा गरेर ९५ हजार ७ सय ६६ अभिकर्ता मात्र सक्रिय रहेको बीमा समितिको तथ्याङ्कमा उल्लेख छ ।
यस बीमा समितिका अनुसार उनीहरू पनि सक्रिय अभिकर्ताका रूपमा रहेतापनि उनीहरूभित्र पनि निष्क्रिय हुन सक्ने भएकाले आगामी वर्षको तथ्याङ्कमा सक्रिय अभिकर्ता अझ कम हुने समितिले जनाएको छ ।
बीमा समितिअनुसार आगामी चैत मसान्तसम्मका लागि पुराना अभिकर्तामध्ये ५६ हजार ९ सय ३३ जनाले इजाजतपत्र नवीकरण गरेका छन । बीमा ऐन २०४९ अनुसार उनीहरू सक्रिय बीमा अभिकर्ता हुन् ।
बीमा अभिकर्ता तालीम निर्देशिका २०७२ अनुसार बीमकले सञ्चालन गर्ने प्रत्येक तालीममा ५० जना सम्मको उपस्थिति अनिवार्य हुन्छ । तालीम लिँदाको जोशमा प्रशिक्र्षीहरुले इजाजतपत्र लिने गरेको पाइन्छ । तालिम पश्चातभने व्यापार नपाउनु, आफ्नै पेशामा व्यस्त हुनु तथा विदेश प्लायन हुनु जस्ता कारणले अभिकर्ताहरू सक्रिय हुन नसकेको बीमा समितिले जनाएको छ ।
बजारसँग प्रतिस्पर्धा गर्न बिमा कम्पनीलेहरु ले जथाभाबी इजाजतपत्र दिँदा निष्क्रिय अभिकर्ताको संख्या बढी भएको समितिले जनाएको छ ।
