काठमाडौं । केन्द्रीय तथ्याङ्क विभागले आज सार्वजनिक गरेको राष्ट्रिय लेखा तथ्याङ्कले कोरोना भाइरसका बीच बैंक तथा बीमा क्षेत्रको बृद्धिदर पाँच प्रतिशत माथि हुने प्रक्षेपण गरेको छ ।
आज प्रकाशित विवतरण अनुसार कोरोनाको लकडाउनका बीच वित्तीय मध्यस्थता क्षेत्रमा ६.६२ प्रतिशतको बृद्धि कायम हुने अनुमान गरिएको छ । उक्त बृद्धिदर पाँच प्रतिशतभन्दा बढि भएको समेत केन्द्रीय तथ्याङ्क विभागको प्रतिवेदनमा उल्लेख छ । चालु आर्थिक वर्षको कूल ग्राहस्थ उत्पादनमा बैंक तथा वित्तीय क्षेत्र, जीवन बीमा तथा निर्जिवन बीमा कम्पनीहरु, स्टक मार्केट, धितोपत्र बोर्ड लगायतका क्षेत्रबाट सो योगदान पुग्ने अनुमान गरिएको छ ।
कोरोना महामारीका बीच मुलुकका धेरै क्षेत्र ऋणात्मक भएपनि बैंक तथा बीमा क्षेत्रमा भने सकारात्मक बृद्धि हुने तथ्याङ्क विभागको विश्लेषण छ ।
