काठमाडौं । नेपाल सरकार मन्त्रिपरिषदको बैठकले कोरोना भाइरसविरुद्धमा गरिएको लकडाउन आगामी बैशाख १५ गतेसम्म बढाउने निर्णय गरेको छ ।
प्रधानमन्त्री निवास बालुवाटारमा बसेको बैठकले यस्तो निर्णय गरेको हो । विश्वभरि महामारीको रुपमा फैलिएको कोरोना भाइरस रोकथामका लागि गत चैत्र ११ गतेदेखि सरकारले सिंगो देश लकडाउनको घोषणा गरेको हो । यसअघि एक एक साताको लकडाउनको घोषणा गरेकामा यस पटक दुई साता लामो लकडाउनको घोषणा गरिएको छ ।
