काठमाडौं । सोमबार कोरोनाको आशंकामा पाटन अस्पताल भर्ना गरिएका तीन जना मध्ये दुई जनाको कोरोना भाइरसको संक्रमण पुष्टि भएको छ । काठमाडौंको पेप्सीकोलास्थित सनसिटी अपार्टमेन्टबाट अस्पताल भर्ना गरिएका दुई जनामा कोरोना भाइरस (कोभिड(१९) को संक्रमण पुष्टि भएको जनाइएको छ । तीन जना मध्ये दुई जनाको मात्रै कोरोना पुष्टि भएको छ भने एक जनामा देखिएको छैन । ।
२८ दिनअघि काठमाडौंमा आएर काँडाघारी, पेप्सीकोला नजिकै रहेको सनसिटी अपार्टमेन्टमा बस्दै आएका एक परिवारमा कोरोनाको संक्रमण देखिएपछि सो अपार्टमेन्टमा तनाव बढेको छ । र्यापिड टेष्टका क्रममा एन्टीबडी पोजेभिट देखिएपछि तीन जनालाई कोरोनाको आशंकामा पाटन अस्पताल भर्ना गरेर थ्रोट स्वाब संकलन गरिएको थियो ।
पाँच वटा बिल्डिङ रहेकोमा एकातर्फको ए बिल्डिङमा बसेको सो परिवारमा कोरोना देखिएको हो । यससँगै सो भवनमा बसेकाहरुमा पनि कोरोना सरेको हुनसक्ने अनुमान गरिएको छ ।
