काठमाडौं । नेपाल राष्ट्र बैंकका गभर्नरमा महाप्रसाद अधिकारी नियुक्त भएका छन् । आज सोमबार बसेको मन्त्रिपरिषद् बैठकले अधिकारीलाई गभर्नर पदमा नियुक्त गरेको हो ।
आज बसेको गभर्नर छनौट समितिको बैठकले तीन जनाको नाम सिफारिस गरेको थियो । सिफारिसमा परेकाहरुमा पूर्व अर्थसचिव डा. राजन खनाल, पूर्व डेपुटी गभर्नर तथा हालका लगानी बोर्डका कार्यकारी निर्देशक महाप्रसाद अधिकारी तथा नेपाल राष्ट्र बैंकका डेपुटी गभर्नर चिन्तामणि शिवाकोटी रहेका थिए ।
