काठमाडौं । कोरोनाको महामारीका कारण एक साताको लागि सिंगो देश लकडाउन गरिएका कारण ४० वटै बीमा कम्पनीका कार्यालयहरु बन्द छन् । कार्यालय बन्द भएपनि पुनर्बीमा कम्पनी बाहेकका २० वटा निर्जिवन तथा १९ वटा जीवन बीमा कम्पनीहरु मध्ये अधिकांश कम्पनीहरुले विद्युतीय सम्पर्क माध्यममार्फत बीमा व्यवसाय भने सुचारु राखेका छन् ।
अधिकांश बीमा कम्पनीहरुले कार्यालय बन्द भएपनि डिजिटल कार्यालयमार्फत बीमा गर्न तथा दावी भुक्तानीको लागि निवेदन दिन सकिने ति कम्पनीहरुले जनाएका छन् । विद्युतीय कार्यालय मार्फत बीमा नविकरणको समेत व्यवस्था गरिएको छ ।
निर्जिवन तथा जीवन बीमा गर्ने कम्पनीहरुले बीमा व्यवसायको लागि फोकल पर्सन तोकेर बीमा व्यवसाय सुचारु राखेका हुन् । देश लकडाउनको अवस्थामा बीमा गर्न तथा दावी भुक्तानीको लागि छुट्टछुट्टै सम्पर्क व्यक्ति तोकेर इमेल तथा टेलिफोनमार्फत बीमा व्यवसाय गर्न सकिने ति कम्पनीहरुले जनाएका छन् ।
कुन कम्पनीमा कसलाई सम्पर्क गर्ने भन्ने सूचनासहित बीमा व्यवसाय सुचारु राखिएको छ ।
कम्पनीहरुले जारी गरेको सूचना
