काठमाडौं । बीमा समितिले निर्जीवन बीमा कम्पनीहरुलाई बीमालेखको समय समाप्त हुनुभन्दा अगाडी नै बीमितहरुलाई सूचना उपलब्ध गराई सुसूचित गर्न आग्रह गरेको छ । साथै, बीमालेख जारी गर्दा वा नविकरण गर्दा जुनसूकै माध्यमबाट बीमा शुल्क संकलन गर्ने व्यवस्था समेत गरिएको समितिले जनाएको छ । विश्वभर महामारीको रुपमा फैलिरहेको कारोना भाइरसका कारण नेपाल सरकारले अत्यावश्यक सेवा बाहेक अन्य सेवा बन्द गरेको अवस्थामा उक्त अवधिभरका लागि यस्तो निर्देशन जारी गरेको जनाएको छ ।
त्यसैगरी समितिले जीवन बीमा कम्पनीका बिमितहरुलाई राहत दिने उद्देश्यले बीमा शुल्क बुझाउने समय थप गरेको छ । हाल भुक्तानी गर्नुपर्ने किस्ता भुक्तानी गर्न नसकेको कारणले बीमालेख व्यतित नहुने र उक्त बीमा शुल्क सबै सार्वजनिक सेवा सामान्य भएको १५ दिनभित्र बुझाउन सकिने व्यवस्था गरेको समितिले जनाएको छ ।
