काठमाडौं । काठमाडौंको मुलपानी जोरपाटी नजिकै दक्षिणढोकामा रहेको एक काष्ठ उद्योगमा अपरान्ह आगोलागी भएको छ । आगोलागीबाट लाखौं रुपैयाँको काठ नष्ट भएको छ । अपरान्ह चार बजेदेखि लागेको आगो यो समाचार तयार गर्दासम्म (५ः५८) सम्म नियन्त्रणमा आएको छैन ।
महानगरीय प्रहरी बृत्त बौद्धका अनुसार दक्षिणढोकामा युवराज उप्रेतीले सञ्चालन गरेको दक्षिणकाली काष्ठ उद्योगमा आगो लागेको हो । आगो निभाउन स्थानीयबासी, प्रहरी तथा काठमाडौंको जुद्धबारुणयन्त्रको दमकल प्रयोग गरिएको छ ।
